میدیاکانی ئێران بڵاویانکردووەتەوە، بەهۆی خۆڵبارین لە پارێزگای سیستان-بەلوچستانی لە باشوری رۆژهەڵاتی ئێران سێ کەس گیانیان لەدەستداوە و زیاتر لە هەزار کەسی دیکەش بۆ وەرگرتنی چارەسەر رەوانەی نەخۆشخانە کراون.
میللەت:
به‌رپرسی به‌ڕێوه‌بردنی قه‌یرانه‌كان له پارێزگای سیستان-به‌لوجستان رایگه‌یاند، زیاتر له سێ كه‌س له پارێزگاكه‌یان له باشوری ڕۆژهه‌ڵاتی ئێران به‌هۆی زریانی خۆڵ و تۆزه‌وه گیانیان له ده‌ستداوه و ژماره‌یه‌كی دیكه‌ش گه‌یه‌ندراونه‌ته نه‌خۆشخانه‌كان.
ئاماژەی بەوەشکرد، زیاتر لە هەزار و ٣٠٠ کەس بەهۆی خۆڵبارینەکەوە توشی نەخۆشییەکانی کۆئەندامی هەناسە و دڵ و چاو بوون و بۆ وەرگرتنی چارەسەر رەوانەی نەخۆشخانە کراون.
پێشبینییه‌كانی ناوه‌ندی كه‌شناسی ئێران ڕایگه‌یاندوه، پێشبینی ده‌كه‌ن بای به‌هێز و زریانی خۆڵبارین بۆ چه‌ند ڕۆژێك به‌رده‌وام بن.
|