دەزگای ئاسایشی ھەرێم، ھەڵوەشاندنەوەی گرووپێکی مەترسیداری چەکداری داعش بەناوی(کەتیبەی پێنجی سەلمانی فارسی) سەربە ویلایەتی کوردستان ڕادەگەیەنێت.
بەڕێوەبەرایەتی گشتی ئۆپراسیۆنەکانی ئاسایش بەھەماھەنگی دەزگای ئاسایشی نیشتمانی عێراق، لەسەر بنەمای زانیاری ھەواڵگری و ئەنجامی لێکۆڵینەوەکان لەڕۆژی ٢٠٢٥/١٢/٨ تا ٢٠٢٦/٢/٩ توانییان، چەند ئۆپراسیۆنیک بۆ دەستگیرکردنی تیرۆریستان لەسنووری (ھەڵەبجە، سەیدسادق،پێنجوێن، گەرمیان، دیالە) ئەنجام بدەن.
پیلانی چەکدارانی داعش " کەتیبەی پێنجی سەلمانی فارسی"، سەر بە ویلایەتی کوردستان:
-خۆ ڕێکخستنەوە و درووستکردنی گرووپی تیرۆریستی
-درووستکردنی شوێنی مانەوە (المچافە)
-گواستنەوەی چەکدارانی داعش لەوڵاتانی دراوسێ بۆ کوردستان و خوارووی عێراق.
دەزگای ئاسایش ئاماژەی بەوەشداوە، لەکۆی ئەم چالاکییەدا ( ١ ) یەک کارمەندی دەزگای ئاسایشی ھەرێم برینداربوو و توانرا ( ١٠ ) تی.رۆر.یست دەستگیربکرێت و دەستیشگیرا بەسەر ( ٨ چەک و ١ دەمانچە و ٢ بۆمبی دەستی و ماددەی تەقینەوە لەجۆری سیفۆر و دوربین و پشتێنی خۆکوژی ) .
لە کۆتایی راگەیەندراوەکەیدا دەزگای ئاسایشی ئەوەشی رونکردوەتەوە کە، لەئێستادا سەرجەم تیرۆریستان بە ماددەی( ٤ ) تیرۆر، ڕاگیراون و لێکۆڵینەوە لە دۆسییەکانیان بەردەوامە.
|