بەپێی زانیارییەكان لە كۆتایی ئەم هەفتەیەدا پرۆسەی تەسلیمكردنی نەوتی هەرێمی كوردستان بەكۆمپانیای سۆمۆ دەستپێدەكات، سەرچاوەیەك لەوەزارەتی دارایی هەرێمی كوردستان بە میدیای یەکێتی راگەیاندووە: وەزارەتی دارایی حكومەتی فیدراڵ وردبینی لەلیستی مووچەی مانگی شەشی فەرمانبەرانی هەرێمی كوردستان تەواوكردووە و چاوەڕێ دەكەن لەچەند رۆژی داهاتوودا پارەی مووچە رەوانەی هەرێم بكرێت، هەر بەپێی زانیارییەكانی ئەو سەرچاوەیە ئێستا وەزارەتی دارایی هەرێم سەرقاڵی ئامادەكردنی لیستی مووچەی مانگی حەوتە بۆ ئەوەی رەوانەی بەغدای بكات.
ئێستاش وەزارەتی دارایی هەرێمی كوردستان سەرقاڵی وردبینیكردنی كۆتایی لیستیی مووچەی مانگی حەوتە بۆ ئەوەی سبەی یان دووسبەی رەوانەی بەغدای بكەن.
ئەوسەرچاوەیە وتیشی، حكومەتی هەرێم هەنگاوە كردەییەكانی بۆ خەرجكردنی مووچەی مانگی شەش و دەستپێكردووە و هەر لەم هەفتەیەشدا،نەوت و داهاتی نانەوتی بۆ مانگی شەش و لیستی مووچەی مانگی حەوتیش تەسلیمی بەغدا دەكرێت.
|