کارەبای سلێمانی نرخی کارەبای مۆلیدەی سیتیەکانی بۆ مانگی ١٠ دیاریکرد و بەراورد بە مانگی ڕابردوو نرخەکەی زیادی کردوە.
ئەمڕۆ یەکشەممە ٢٧ی تشرینی یەکەم بەڕێوەبەرایەتی گشتی کارەبای سلێمانی رایگەیاند، لیژنەی باڵای دیاریکردنی نرخی کارەبای کۆمەڵگاکانی نیشتەجێبوون (سیتییەکان) کۆبوونەوەیەکی سازکرد و تیایدا نرخی کیلۆواتی کارەبای موەلیدەی بۆ مانگی تشرینی یەکەم (١٠) دیاریکرد، کە بریتییە لە (٢٦٠) دینار بۆ ھەر کیلۆواتێک.
ئاماژە بەوەکراوە، بەگوێرەی نرخی گازوایل لە بازاڕ و ئەو توێژینەوەیەی بۆ خەرجی موەلیدەی سیتییەکان ئامادەکراوە، نرخی کیلۆوات ئاوەڕێک کارەبای موەلیدەی سیتییەکان بۆ ئەم مانگە بریتییە لە (٢٦٠) دینار، ئەمە لە کاتێکدایە مانگی ٩ نرخی کیلۆواتێک کارەبای موەلیدەی سیتییەکان (٢٥٣) دینار بوو.
|