حکومەتی سعودیە زیاتر لە ٣٠٠ ھەزار کەسی لە مەککەی پیرۆز دەرکرد، کە بەنیاز بوون بە شێوەی نایاسایی و بەدەر لە رێکارە فەرمییەکان حەج بکەن.
میدیاکانی سعودیە بڵاویانکردوە، لە چوارچێوەی رێکارەکانی بەڕێوەبردنی حەجی ئەمساڵ، توانراوە زیاتر لە ٣٠٠ ھەزار کەس دەستنیشان بکرێن و لە مەککە دووربخرێنەوە، کە ڤیزە و مۆڵەتی بەشداری لە حەجی ئەمساڵیان نەبووە.
ئاماژەبەوەشکراوە، لە کۆی ئەو کەسانە ١٥٣ ھەزار و ٩٩٨ کەسیان بیانی بوون و بە ڤیزەی گەشتیاری روویان لەو وڵاتە کردووە.
ھەروەھا ١٧١ ھەزار و ٥٨٧ کەسیش ھەرچەندە مۆڵەتی نیشتەجێبوونیان لە سعودیە ھەبووە، بەڵام دانیشتووی مەککە نەبوون و مۆڵەتی حەجیان نەبووە.
|