ئەمڕۆ دواھەمین کاروانی حاجیانی ھەرێمی کوردستان کە ژمارەیان ٣٤٥ حاجیە بۆ بەجێھێنانی فەریزەی حەج بۆ سعودیە بەڕێکەوتن.
ئەمڕۆ سێشەممە ٤ی حوزەیرانی ٢٠٢٤، بەڕێوەبەرایەتی گشتی حەج و عومرەی ھەرێمی کوردستان رایگەیاند، ئەمڕۆ دوا کاروانی حاجییانی کوردستان لە رێگەی ھەردوو فرۆکەخانەی نێودەوڵەتی ھەولێر و سلێمانی بەرەو سعودیە بەڕێدەکەون.
کاروان ستوونی، وتەبێژی حەج و عومرەی ھەرێمی کوردستان رایگەیاند، تا ئێستا چوار ھەزار و ٣٤٠ حاجی کوردستان بۆ بەجێھێنانی فەریزەی حەج گەیشتوونەتە سعودیە و ئەمڕۆش دواھەمین کاروانی حاجییان بەڕیکەوتن کە ژمارەیان ٣٤٥ حاجییە.
ئاماژەی بەوەشکرد، رەوشی تەندروستی حاجییان زۆر باشە و ھەموویان سەلامەتن و رۆژانە تیمی تەندروستی کە ژمارەیان ٢١ پزیشک و کارمەندی تەندروستییە چاودێری تەندروستی حاجیان دەکەن.
|