ئەمڕۆ ھەینی دادگای تێھەڵچوونەوەی لەندەن لە دانیشتنێکدا تانەکەی "شەمیمە بیگوم"ی تەمەن ٢٤ ساڵی رەتکردەوە بۆ وەرگرتنەوەی رەگەزنامە بەریتانیەکەی.
شەمیمە بە رەگەز بەنگلادیشیە و رەگەزنامەی بەریتانی ھەبووە، لە تەمەنی ١٥ ساڵی چووە سوریا و پەیوەندی بە رێکخراوی داعشەوە کرد و ھاوسەرگیری لەگەڵ چەکدارێکی ئەو رێکخراوە کرد.
شەمیمە بە بوکی داعش ناوبانگی دەرکرد و دوای شەڕی باھۆز ھاوسەرەکەی دەستگیرکرا و سێ منداڵیشی لەدەستداو خۆشی لە یەکێک لە کەمپەکانی سوریا دەستبەسەرکرا.
بەھۆی مەترسیشی بۆ سەر ئاسایشی وڵاتەکەی، بەریتانیا رەگەزنامە و پاسپۆرتی لێوەرگرتەوە.
|