کۆشکی سەرۆکایەتیی کۆماری فەڕەنسا (ئیلیزێ) رایگەیاند، سەربازێکی هێزی پەڕەشووتەوانی فەڕەنسا لەکاتی بەجێهانی ئەرکێکی سەربازی لە ئۆپراسیۆنێکی پاڵپشتی هێزەکانی عێراق لە دژی تیرۆرستان کوژراوە.
میللەت:
ئەمڕۆ سێشەممە، 29-8-2023 لە راگەیێندراوێکدا، کۆشکی ئێلیزێ بڵاویکردەوە، 28ی ئاب سەربازێکیان لە یەکەی دابەزینی ئاسمانی بە ناوی (نیکۆڵاس مازیەر) لەکاتی ئەرکەکەیدا لەگەڵ سوپای عێراق لە ئۆپەراسیۆنێکی دژ بە تیرۆر لە عێراق کوژراوە.
ئاماژەی بەوەشدا، سەرۆکایەتی فەرەنسا پرسە و سەرەخۆشی خۆی ئاڕاستەی خێزان و خانەوادەی سەربازەکەیان دەکات و هیوای زوو چاکبوونەوەش بۆ بریندارەکان دەخوازێت.
کۆشکی سەرۆکایەتی فەرەنسا دووپاتیشیکردەوە، هێزەکانی فەرەنسا لە عێراق شان بە شانی سوپای عێراق لە رووبەڕووبوونەوەی تیرۆر بەردەوام دەبێت.
نیکۆلاس دەبێتە سێیەمین سەربازی فەرەنسا کە لەماوەی 11 رۆژی رابردوودا لە عێراق گیانلەدەستبدات.
|