کۆمسیۆن وادەی راگەیاندنی ئەنجامی بەرایی هەڵبژاردنی ئەنجومەنی پارێزگاکان ئاشكرادەكات

کۆمسیۆنی باڵای هەڵبژاردنەکانی عێراق رایدەگەیەنێت، بە کەمتر لە 24 کاتژمێر دوای ئەنجامدانی هەڵبژاردنی ئەنجومەنی پارێزگاکان ئەنجامەکان رادەگەیەندرێت.

میللەت:

عیماد جەمیل سەرۆکی تیمی راگەیاندنی کۆمسیۆن رایگەیاند، کۆمسیۆن رێگەی ئەمنی و توند و تۆڵی گرتووەتە بەر بۆ چاودێیکردنی ناوەندەکانی دەنگدان و جیاکردنەوەی دەنگەکان، دەتوانرێت لە ماوەی شەش کاتژمێردا دەنگەکان جیابکرێنەوە.

ئاشکراشیکرد، پێش کاتژمێر 6:00 ی ئێوارەی رۆژی 19 ی مانگ ئەنجامی بەرایی هەڵبژاردنەکان رادەگەیەندرێت.

پێشتریش کۆمیسیۆنی باڵای سەربەخۆی هەڵبژاردنەکانی عێراق، ئاشكرایكرد، کاتژمێر (6:00)ی سەرلەبەیانی ڕۆژی 15ی ئەم مانگە لە ناوخۆی وڵاتدا بانگەشەی هەڵبژاردن بۆ ئەنجوومەنی پارێزگاکانی عێراق ڕادەگیرێت.