كارزان شێركۆ، وتەبێژی دەزگای ئاسایشی هەرێم رایگەیاند، پارێزگای سلێمانی پاكرترین پارێزگایە لەسەر ئاستی عێراق و هەرێم لەرووی مادەی هۆشبەر.
ئەوەشی خستەڕوو، كەسانێك كە خاوەن بڕوانامەی باڵا و دكتۆران لەسەر بەكارهێنانی مادەی هۆشبەر دەستگیركراون و زیاتر لە هەشت هەزار بەكارهێنەری ئەو مادانەش چارەسەر كراون.
ئاشکراشیکرد، بە هەماهەنگی لەگەڵ عێراق، باندێكیان دەستگیركردووە كە بەنیازبوون لە هەرێمی كوردستان و دواتر دەروازەی عەرعەرەوە ماددەی هۆشبەر بگوازنەوە بۆ دەرەوەی وڵات و توانیویانە ئەو باندە دەستگیربكەن و شكست بە پیلانەكەیان بهێنن و دەستبەسەر 38 كیلۆگرام مادەی هۆشبەردا بگرن و دوو تۆمەتباریش دەستگیربكەن.
|